A axenda de Nadal de Boiro fai fincapé na cultura e no apoio ao comercio

O Concello de Boiro, a través do departamento de Cultura, organizou para este Nadal unha completa axenda de actividades que poñen o foco nos máis pequenos e, tamén, en medidas que axuden ao comercio local a remontar o voo logo do longo período de pandemia e restricións. Sobre este punto, a axenda elaborouse en colaboración coa Asociación Boirense de Empresarios, xuntando forzas para tirar proveito positivo da frutífera confluencia entre comercio, cultura e Nadal. En última instancia, o obxectivo é achegar lecer, diversidade e creatividade, pero tamén fomentar as compras nos establecementos locais.

Coma nos últimos anos, o Concello de Boiro instalará unha carpa para o groso das actividades que este ano estará situada na praza de A Boqueira de A Negral baixo o nome de Carpa Solidaria.

Este sería o programa de actividades resumido:

Festival Banda Música de Boiro

Este martes 21 de decembro ás 20.00 horas celébrase no Local Leñaverde do Centro Social de Boiro o Festival de Nadal da Escola de Música de Boiro.

Espectáculos de rúa (polas rúas de Boiro)

O 23 de decembro chegan O Apalpador e a súa comitiva e o día 29 será a quenda de Sarao, que animará as rúas de Boiro, a partir das 19.00, co espectáculo A Raíña da Neve.

Campamento de Nadal (no Centro Cultura e Deportivo de Boiro)

Os días 22, 23, 27, 28 e 30 de decembro e os días 3, 4, 5 e 7 de xaneiro.

Obradoiro na Carpa Solidaria

O 26 de decembro, obradoiro de malabares ás 19.00 horas.

Espectáculos na Carpa Solidaria

O 26 será a quenda de N+1 e a función Gandaina, ás 19.00 horas; e o día 27 Raquel Queizás ofrece Contos de Nadal, de 17.00 a 19.00 horas. O día 28 Sarao Animación visita a carpa con Canta, baila e xoga, ás 19h. O día 29, haberá concertos na Carpa Solidaria: Micro Aberto ás 16.00 horas e The Cuncas ás 21h. O día 30 haberá un concerto solidario.

Xogos no Local Leña Verde

Os días 27, 28, 29 e 30 de ás 17h (público familiar) e ás 20 h (xuventude e adultos – Escape Room).

Mercado na Carpa Solidaria

Mercado de artesanía de Nadal

Días 3 e 4 de xaneiro na Carpa Solidaria

Cabalgata de Reis Magos

O día 5 de xaneiro polas rúas de Boiro