Os xogadores do Rotogal Boiro Voleibol inculcan hábitos saudábeis nos centros escolares

25 Novembro 2021

Eloy Figueira Rial, fundador de Sana el Hoy, acompañado polos xogadores do Rotogal Boiro Voleibol José Carlos Romero e Renan Levandoski, así como polo adestrador Marcelo Benavídez, impartirán este venres 26 de novembro catro charlas sobre alimentación e movemento no CEIP Rosalía de Castro de Padrón. A actividade dará comezo ao redor das doce do mediodía.

O proxecto Sana el Hoy ten unha duración de oito meses e impártese en horario escolar en centros educativos da comarca do Barbanza e doutros municipios galegos. Está dirixido sobre todo aos escolares de Primaria, xa que esa é a franxa de idade na que resulta máis sinxelo crear uns hábitos positivos que poidan implantarse e seguirse durante toda a vida. Os obxectivos desta iniciativa son “comprometer ao alumnado coa saúde e fomentar unha alimentación saudábel e sustentábel tanto coas persoas como co planeta”. En última instancia búscase combate doenzas e trastornos como a obesidade infantil ou a diabetes.

O Boiro Voleibol sumouse á iniciativa para levar a cabo unha acción fundamental de responsabilidade social como é difundir os beneficios dunha correcta nutrición.

Eloy Figueira explica que o proxecto pretende inculcar entre a poboación en idade escolar, e tamén entre as nais e os pais, a importancia das boas prácticas nutricionais para conseguir unha boa saúde. As actividades inclúen charlas e accións didácticas para “transmitir recomendacións e advertencias nutricionais que axudarán tanto aos alumnos como aos seus pais a vivir máis e a vivir mellor”, explica Eloy.

Segunda visita da semana a Padrón

Eloy Figueira Rial, acompañado por Gaby del Carmen e Gaspar Bitar, xogadores do Rotogal Boiro Voleibol, visitaron antonte o IES Flavia de Padrón para impartir varias charlas.

Outros artigos

Aguiño será sede da ACT o vindeiro sábado día 20 de xullo

Hoxe déronse cita na escultura dos percebes de Aguiño, os alcaldes de Ribeira, Boiro, A Pobra do Caramiñal, a xerencia da Mancomunidade Barbanza Arousa, o patrón maior de Aguiño, edís do concello de Ribeira e a xunta directiva da ACT para presentar a proba de remo...

+

Publicidade

Revista en papel

Opinión

“O mar de Foz”. Xulio Xiz

“O mar de Foz”. Xulio Xiz

Para os de terra adentro, a Mariña é territorio especial, de ostensible fervenza industrial e comercial e unha ledicia festeira na que ata as voces dos coros teñen harmónicos de mar. Fun o sábado a Foz, presentar dous libros de historia que honran a súa rica...