O vindeiro xoves 2 de decembro ás 18:00 horas, o Auditorio de Rianxo vai dar acubillo a un novo espectáculo de narracións orais para a rapazada (e para as familias). Estamos a falar de Planeta LGTB, de Caxoto e A trastenda dos contos, unha viaxe polo Espazo, entre planeta entre planeta, para “poñer en valor a diversidade de gustos, apetitos e atraccións”. Trátase dunha oportunidade, divertida, divulgadora e enriquecedora, para que pequenos e maiores sexan quen de naturalizar unha realidade que xa a ninguén debería estrañar: a diversidade sexual e de xénero.
As entradas son gratuítas, previa reserva de localidades no correo biblioteca@concelloderianxo.gal (preferente) ou no teléfono 667 185 581 .A reserva será efectiva cando se confirme dende a Biblioteca Municipal de Rianxo.
