O Rotogal Boiro Voleibol queda a un paso de rebentar a caixa forte do Melilla Sport Capital

M.A.- O Rotogal Boiro Voleibol quedou co mel nos beizos no Javier Imbroda. Os da Cachada mostraron a súa candidatura á zona alta da clasificación ante un Melilla Sport Capital que tivo que empregarse a fondo para bater aos galegos. Nun desenlace a cara ou cruz no quinto set, a moeda caeu ao lado dos locais (3-2).
O Rotogal Boiro Voleibol non realizou o seu mellor comezo en terras norteafricanas. Ante un Melilla Sport Capital moi acertado no saque, os da Cachada víronse por baixo no marcador tras a primeira manga (25-20). Con todo, refixéronse para equilibrar o choque no segundo set, cando o equipo de Marcelo Benavídez dominou aos norteafricanos (22-25).
Felipe Benavídez sentiu unhas molestias na zona abdominal que lle impediron seguir no partido con 1-1 no marcador e, no terceiro parcial, o Rotogal Boiro Voleibol acusou o golpe (25-15). Con todo, os visitantes foron crecendo e, desde a defensa, e grazas á inspiración de Gaby del Carmen e José Carlos Romero, deron un golpe encima da mesa no cuarto set (27-29).
No quinto set, a igualdade foi constante. Pero o triunfo caeu ao lado do Melilla Sport Capital, impulsado por un inspiradísimo Federico Martina, despois de anotarse a manga definitiva por un axustado 15-13.

Melilla Sport Capital, 3: Ariel Justiniano, Jean Diedhiou, Juan Martín Riganti, Javier Monfort, Maximiliano Scarpin, Federico Martina y Mario Ferrera (líbero). Tamén xogaron Rubén López, Ignacio Luengas, Héctor García y Mikael Tahiri.
Rotogal Boiro Voleibol, 2: Gaby del Carmen, Mario Iglesias,José Carlos Romero, Felipe Benavídez, Renan Levandoski, Gaspar Bitar y Adrián Alves (líbero). También jugaron Ismael Martínez, Pablo Nieto e José García.
Sets: 1-0 (25-20), 1-1 (22-25), 2-1 (25-15), 2-2 (27-29) y 3-2 (15-13).
Árbitros: Fernando Pérez y Susana Trigo.
Incidencias: Partido disputado no Pavillón Javier Imbroda de Melilla.