Os noieses necesitan reaccionar. Logo dun inicio moi bo de tempada no que se mantiveron
nos postos altos da táboa, a día de hoxe, despois de 11 xornadas están con 11 puntos, un
por riba do descenso. Máis dun mes é o que levan os de Iván Carril sen sumar unha vitoria, a
última na casa fronte ao Alondras por 2-1 o pasado 12 de outubro. O bo do fútbol é que cada
xornada tes a opción de reivindicarte, e esta semana o Noia poderá facelo fronte ao Rápido
de Bouzas, un dos cocos da categoría.
Os vigueses marchan quintos na clasficación con 18 puntos, e veñen de empatar na casa
contra o Vilalbés. Un partido clave para as aspiracións de ambos, pero que de seguro os
noieses terán no Julio Mato e na súa afección, a súa principal arma para sacar o encontro
adiante.
O partido entre o Noia e o Rápido de Bouzas, correspondente á xornada 12 da Terceira
Federación, disputarase este domingo a partir das 17:00 horas no Julio Mato.
