O Concello de Ribeira a entidade financeira Abanca formalizaron na mañá deste 17 de novembro un acordo para colaborar na entrega dos Bonos AmaRibeira a prol do comercio e a hostalería local.
Este convenio materialízase logo de terse convocado dende o Concello un proceso de licitación destinado a facilitar o subministro das ditas axudas “e propiciar o fortalecemento comercial e hostaleiro de Ribeira” a través dos ditos bonos.
En concreto, sinalou o Concello, o acordo “ten como obxecto a entrega e distribución das axudas do programa local de dinamización do consumo a través dos bonos QR AmaRibeira”, que constitúen a segunda fase desta campaña. Esta activarase entre o 1 de decembro e o 31 de xaneiro de 2022, comprendendo un total 6.666 bonos de desconto de 30 euros para o seu emprego nos establecementos das nove parroquias que se adhiran á iniciativa (a información está en www.amaribeira.gal).
Rubricaron o acordo o alcalde Manuel Ruiz e José Manuel Vilariño como coordinador de negocio institucional na Coruña da citada entidade financeira.
