O Concello de Outes organiza unha clasificación de tenis

O Concello de Outes organiza unha clasificación de tenis que dará comezo o 20 de novembro e rematará no mes de maio. As persoas que desexen participar deberán cubrir a folla de inscrición, dispoñíbel na web municipal, e entregala na Casa do Concello. O prezo da actividade é de 36 euros.

Nas bases faise saber que se formará unha unha clasificación cun máximo de 48 xogadores, sen límite de idades. A
listaxe das e dos participantes do número 1 ao 48 farase a sorteo sen cabezas de serie. O sistema da competición será formar grupos de 3 xogadores que deberán disputar dous partidos cada dúas semanas.

A reserva das pistas pode facerse a través de Jotform.

Para calquera dúbida cómpre chamar ao 606 884 536.