O Concello de Boiro celebra o magosto con música, produtos ecolóxicos, artesanía e castañas

Cultura do Concello de Boiro presentou esta semana a programación do Outono Cultural, que inclúe entre outras cousas actividades e propostas para festexar o magosto. A concelleira María Outeiral debullou a axenda acompañada de Patricia Giao e Jaime Bello, persoal do departamento de cultura. Segundo fixeron saber este sábado 13, na feira Eco-lóxica de Saberes e Sabores, haberá postos de alimentación de produtos de proximidade e artesanía e sesión vermú con polbeira amenizada polo grupo Os pequenos do Barbansa. O vindeiro sábado 20 de novembro, a partir das 17.00 horas na Praza da Terceira Idade, serán con Xilbarbeira e castañada.

Os centros sociais do municipio acollen tamén exposicións, que se van inaugurar este venres 12. Na Casa da Cultura de Boiro estará exposta a mostra Castelao e os irmáns da liberdade e, no Centro Social de Boiro unha mostra sobre Xela Arias.

Durante o mes de novembro continúa a programación teatral da Casa da Cultura, con representacións todos os venres, e tamén se vai levar a cabo a mostra de teatro escolar.

Día Mundial da Diabetes

Amais, fixeron saber que cada 14 de novembro conmemorase o Día Mundial da Diabetes, para celebralo o Concello de Boiro, xunto coa Asociación Anedia, vai facer un acto de acendido simbólico da iluminación azul da Casa Consistorial de Boiro e vaise realizar a proxección dun vídeo realizado pola asociación.