O alumnado so Obradoiro de Emprego Torre Goiáns participou nunha xornada de emprendemento xuvenil

04 Novembro 2021

O alumnado traballador que forma parte do Obradoiro de Emprego Torre Goiáns – Boiro, impulsado polo Concello e centrado en xestión forestal, participou esta semana nunha xornada telemática de emprendemento xuvenil no medio rural. A actividade, abeirada á axenda do programa de emprego, achegou formación ás 20 alumnas e alumnos que participan no mesmo.

Os obxectivos desta xornada foron dar a coñecer entre o alumnado os proxectos empresariais e boas prácticas impulsadas por persoas mozas no sector forestal en zonas rurais; difundir as vivencias persoais e laborais de emprendedores novos no medio rural que traballan no sector forestal; e servir de conexión entre a poboación xuvenil emprendedora e expertos na temática forestal.

A formación deste obradoiro está dividida en dúas especialidades, unha de Actividades Auxiliares en Conservación e Mellora de Montes e outra en Repoboacións Forestais e Tratamentos Silvícolas. Ademais da formación teórica, o alumnado vai realizar prácticas en espazos naturais do municipio como son a finca do pazo de Goiáns.

O Concello de Boiro desenvolve o Obradoiro de Emprego en xestión forestal Torre Goiáns – Boiro co financiamento da Consellería de Emprego e Igualdade da Xunta de Galicia, ao abeiro das axudas e subvención para os obradoiros duais de emprego da Comunidade Autónoma de Galicia.

Outros artigos

Aguiño será sede da ACT o vindeiro sábado día 20 de xullo

Hoxe déronse cita na escultura dos percebes de Aguiño, os alcaldes de Ribeira, Boiro, A Pobra do Caramiñal, a xerencia da Mancomunidade Barbanza Arousa, o patrón maior de Aguiño, edís do concello de Ribeira e a xunta directiva da ACT para presentar a proba de remo...

+

Publicidade

Revista en papel

Opinión

“O mar de Foz”. Xulio Xiz

“O mar de Foz”. Xulio Xiz

Para os de terra adentro, a Mariña é territorio especial, de ostensible fervenza industrial e comercial e unha ledicia festeira na que ata as voces dos coros teñen harmónicos de mar. Fun o sábado a Foz, presentar dous libros de historia que honran a súa rica...