No Son dous detidos, veciños de Ribeira, e dous investigados por roubar nunha vivenda


A Garda Civil do Posto de Porto do Son detivo a dous veciños do municipio coruñés de Ribeira e investigado a outros dous como presuntos autores dun delito de roubo de ferramentas, electrodomésticos e equipos electrónicos nunha vivenda.
Os arrestos producíronse por mor da denuncia interposta por un veciño de Porto do Son en dependencias da Benemérita, na que comunicou que descoñecidos tras forzar unha xanela da fachada principal, accederan á súa vivenda en Basoñas e subtraído das súas interior ferramentas, electrodomésticos e equipos electrónicos.

A Garda Civil iniciou unha investigación co fin de corroborar a veracidade dos mesmos e identificar o autor ou autores. A Benemérita, logrou a identificación dos responsables: unha parella que vendera os efectos roubados en establecementos de segunda man. Nas súas declaracións en calidade de detidos atribuíron a autoría material a outros dous mozos con antecedentes que, puntualizan as mesmas fontes, serían os encargados de subtraer os efectos, mentres que a parella era responsable do seu transporte e posterior venda.

A pesar diso Garda Civil procedeu á detención destas dúas persoas e á investigación das outras dúas como presuntas autoras dun delito de roubo. Ademais, foi recuperado material subtraído e restituído ao seu lexítimo dono. Os detidos foron postos ao dispor do Xulgado de Instrución de Noia.

Garda Civil