Na Preferente nin Boiro nin Puebla conseguen gañar

Non termina de arrancar este Boiro (1-1). Desta vez trouxo un punto no seu encontro fronte ao Dubra. Se ben é certo que era importante un triunfo para achegarse aos postos altos da táboa, o partido non era o idóneo. Un partido bronco e moi disputado que se saldou con reparto de puntos logo dos goles de Pereira para os visitantes e Álvaro para os locais.

Tardou en entrar ao partido o Boiro, e non foi ata a media hora de partido cando os de Luis Carro comezaron a encontrarse sobre o verde, nunha primeira metade na que nin uns nin outros estiveron acertados para inaugurar o marcador. Logo do paso polos vestiarios os boiristas meteron unha marcha máis, e no 53, Pereira aproveitaría un centro medido de Ramos para adiantar aos brancos.

Sen embargo, tres minutos despois Álvaro poría o definitivo 1-1. Non últimos minutos o Boiro apertou na busca do gol que lle dera a vitoria, pero non foi posible. Con est resultado os boiristas sitúanse no oitavos posto con 10 puntos, a catro da promoción.

No campo de Cadreche o Puebla tiña a oportunidade de meterse nos postos altos da clasificación, pero en fronte tiña ao Pino e as dimensións dun terreo de xogo que non favorecen aos de Jesús Mella. Os pobrenses caeron 1-2 logo de adiantarse no marcador grazas ao gol desde os 11 metros de penalti. De feito, na primeira metade os locais mereceron conseguir unha diferenza máis ampla, pero non foi así, logo de que Sera e Viturro desaproveitaran dúas claras oportunidades.

E como sempre ocorre no fútbol, quen perdoa remata pagándoo. E así foi. A falta de cinco minutos para o final, e logo de fallar un penalti os branquiazuis, o Pino anotaba dous goles consecutivos en apenas 5 minutos para levarse os tres puntos de Cadreche, grazas aos tantos de Jesús Sáinz e Rubén Ferreiro.

Con este resultado o Puebla mantense na sétima posición con 11 puntos , a 3 dos postos de Playoff.