Na Pobra o Concello achega en novembro dúas formacións sobre hortas agroecolóxicas

09 Novembro 2021

O Concello da Pobra, a través da Concellaría da Promoción Económica da Pobra do Caramiñal, da cal é titular Charo Varela (Nós Pobra), organiza este mes de novembro dúas charlas formativas baixo o epígrafe A planificación na horta agroecolóxica. Serán impartidas por Conchi Docampo, do proxecto Burbullas de Sol (San Mamede-Vedra). Estas actividades dan continuidade ao proxecto de aproveitamento de excedentes agrarios posto en marcha pola Concellaría da Promoción Económica da Pobra do Caramiñal, da cal é titular Charo Varela (Nós Pobra).

Os dous coloquios transcorrerán na aula de estudo situada no andar superior da Biblioteca Municipal da Pobra, ás 19.00 horas. As persoas interesadas en asistir deberanse anotar a través do teléfono de contacto 981843280, marcando a extensión 2035, ou do enderezo electrónico promocion.economica@apobra.gal.

Entre os obxectivos do devandito proxecto de aproveitamento de excedentes agrarios atópanse poñer en valor a produción agrícola das pequenas explotacións do concello; fomentar o consumo de alimentos de calidade e de proximidade (quilómetro 0); xerar actividade económica a partir dos produtos de tempada; dinamizar o comercio local, neste caso, a través dunha plataforma dixital; fomentar a actividade agraria; e promover un estilo de vida saudábel e sustentábel. Para achegar eses produtos ao mercado dun xeito sinxelo estará á disposición das persoas produtoras a páxina web DEANshop coa finalidade de que poidan vender directamente os seus excedentes.

Outros artigos

A Pobra prepárase para pedalear no 14 de xullo coa Festa da Bici

A trixésimo segunda edición da Festa da Bici da Pobra do Caramiñal convida a pedalear con fin solidario no 14 de xullo. Esta cita que reúne deporte e solidariedade arrancará ás 11.00 horas na praza Alcalde Segundo Durán; espazo que tamén se establece como meta....

+

CONGALSA estreita lazos empresariais con Portugal

CONGALSA, empresa especializada en alimentación de produtos do mar con sede na Pobra do Caramiñal, reforza a súa estratexia internacional estreitando lazos coa principal asociación de empresarios de Portugal, AEP Associaçao Empresarial de Portugal. Deste xeito, a...

+

Publicidade

Revista en papel

Opinión

“Cordura y centralidad”. Alberto Barciela

“Cordura y centralidad”. Alberto Barciela

Los anhelos, las ambiciones desmedidas, pero también las más o menos comprensibles, se confunden entre tantos escombros, entre los cascotes de lo que fueron los valores consensuados por la sociedad, la política, la Justicia, la economía. Incluso las referencias...