Morte natural causa do falecemento do home achado nunha zona de rocas en Boiro

O falecemento do home cuxo corpo foi achado este domingo nunha zona de rocas no peirao de Escarabote debeuse a unha morte natural.

Fontes da Garda Civil indicaron que o falecido foi identificado como un home de mediana idade veciño da localidade coruñesa da Pobra do Caramiñal.
Tal como informamos en O Barbanza, o 112 Galicia recibiu a alerta sobre o achado do corpo a través dos axentes da Garda Civil pouco antes das 16,00 horas do domingo.

O servizo de emerxencias comunicou a situación ao 061 e aos Bombeiros de Boiro que se desprazaron ao lugar xunto a Protección Civil.