Un home foi atopado falecido nunha zona de rochas no peirao de Escarabote, en Boiro. Trátase dun veciño da Ribeiriña, de 43 anos de idade, e por agora descoñécense as causas da morte.
O 112 Galicia recibiu a alerta do achado a través dos axentes da Garda Civil, uns minutos antes das catro desta tarde.
Acto seguido, o persoal do CIAE 112 Galicia puxo a situación en coñecemento de Urxencias Sanitarias de Galicia-061 e dos Bombeiros de Boiro, que axiña desprazáronse ata o lugar. Ademais, o Servizo Municipal de Protección Civil tamén interveu neste operativo. Xa no lugar dos feitos, os servizos sanitarios desprazados só puideron confirmar o seu falecemento.Pola súa banda, as forzas da orde tratan de esclarecer as circunstancias do suceso.
Os medios desprazados ata o lugar só puideron certificar o falecemento. Trátase de V. R.S., un home de 43 anos, residente na Ribeiriña , a un par de quilómetros de onde apareceu o cadáver. A Garda Civil abreu unha investigación para tratar de esclarecer as causas do suceso.
Descoñécese por agora se o home faleceu na zona rochosa ou se o seu corpo foi arrastrado polo mar ata alí. Ata o lugar desprazáronse bombeiros do parque boirense e membros do servizo municipal de emerxencias.
