Manuel Ruiz propón á Consellería de Infraestruturas prolongar o carril bici de Santa Uxía até Palmeira

10 Novembro 2021

O alcalde de Ribeira Manuel Ruiz mantivo na tarde deste 8 de novembro unha xuntanza de traballo coa coa conselleira de Infraestruturas e Mobilidade da Xunta, Ethel Vázquez. Entre os temas abordados, o rexedor propuxo á conselleira a posibilidade de crear un carril bici que partindo do remate do que existe na praia Coroso dende a cidade de Santa Uxía, teña prolongación até Palmeira.

Esta continuidade tomaría como base o trazado da estrada autonómica AC-305, concluíndo a altura de onde principia o proxecto de humanización desta vía deseñado pola Fundación RIA. Ruiz Rivas comprometeuse a enviar un anteproxecto da actuación para o seu exame.

Por outra parte, o alcalde confirmou á conselleira que este mesmo mes farase entrega a Augas de Galicia do proxecto de saneamento do novo polígono industrial, cuxo orzamento estimado ascende a 1,2 millóns de euros.

Respecto da preocupación do alcalde por posíbeis carencias no abastecemento de auga ao municipio, Ruiz foi informado das obras de ampliación e mellora que se van acometer na ETAP que dá servizo ao río Ulla (cun anteproxecto actualmente en exposición pública que se eleva aos 7,35 millóns de euros), así como de que están no seu tramo final os trámites administrativos para a nova concesión no río Sieira. Ademais, tocante a este último caudal o alcalde solicitou que se estude a viabilidade de contar dunha ETAP en Ribeira a partir do 2023 ou en anos vindeiros.

Por último, o alcalde tamén foi informado sobre o estado actual do proxecto da variante, do cal vén de ser aprobada a súa declaración de impacto ambiental.

Outros artigos

Publicidade

Revista en papel

Opinión

“Unha de ameixa roubada”. Antón Luaces

“Unha de ameixa roubada”. Antón Luaces

Está visto: seis mil euros non é o valor real da cría de ameixa roubada aos mariscadores do pósito de San Antonio, en Cambados, porque a ameixa substraída da batea de preengorde podería multiplicarse por tres ou catro en base ao resultado dos plans de semente que...

“Los menores inmigrantes”. José Castro López

“Los menores inmigrantes”. José Castro López

La inmigración es responsabilidad del Gobierno, pero su única política conocida fue lasobreactuación que montó en Valencia en 2018 para recibir al Aquarius. Desde aquel“golpe de efecto” no se conocen medidas gubernamentales razonables para enfrentarse aeste...