O venres 10 de decembro, ás 20.30 horas, celebrarase en Rianxo un concerto de música clásica a cargo de Lucía Mata (fagot) e Diego Mata (piano) dentro da programación da cuarta convocatoria do Ciclo de Novos Intérpretes que organizan este outono o Concello e a Escola de Música local. As entradas do concerto, que se celebra novamente no Auditorio Municipal, poden reservarse a través da web municipal, na sección de reservas.
O certame comezou o sábado 23 de outubro, cun concerto a cargo de Óscar Vázquez ao trombón baixo e Yamini Teresa ao piano. A seguinte cita foi o venres 29, da man do rianxeiro Bernal Muíños, que veu acompañado do seu cuarteto de jazz.
Xa metidos en novembro, o día 12 foi a quenda do Víctor Bouzas Quarteto (trompeta), ao que seguiu o concerto de Alba Franco (arpa) o 26 de novembro, no Auditorio. Como dixemos, o ciclo remata con Lucía Mata (fagot) e Diego Mata (piano) o día 10 de decembro, igualmente no Auditorio de Rianxo ás 20.30 horas.
