Gaspar Bitar, do Rotogal Boiro, incluído no equipo ideal da xornada da Superliga

Por segunda semana consecutiva, un xogador do Rotogal Boiro Voleibol foi incluído no equipo ideal da xornada da Superliga. Nesta ocasión, o colocador local Gaspar Bitar forma parte do mellor septeto despois de asinar 14 puntos e un 57% de acerto ofensivo no triunfo a domicilio sobre o Eivissa Ushuaïa (1-3).

A semana pasada, o Rotogal Boiro Voleibol tamén contou con dous xogadores que foron destacados

pola Superliga. Foron o oposto José Carlos Romero, designado MVP da sexta xornada, e o central Renan Levandoski, que tamén foi incluído no equipo ideal.

O Rotogal Boiro Voleibol recibirá este sábado ao sete da tarde ao Leleman Valencia na fortaleza da Cachada co obxectivo de encadear a terceira vitoria consecutiva e afianzarse no oito primeiros postos da clasificación, que dan dereito a disputar a Copa do Rei.