Unha moza de 21 anos tivo que ser trasladada ao hospital comarcal a madrugada deste luns tras sufrir un aparatoso accidente de tráfico na estrada de Praia Xardín, en Boiro.
O vehículo un Renault Megane, saíuse da calzada á altura da ponte de Peralto e acabou chocando contra outros tres que se atopaban estacionados. Ao lugar do suceso, que tivo lugar pouco despois das 5.30, interviu o grupo de emerxencias boirense, que sinalizaron e limparon o tramo afectado, así como axentes da Policía Local, gardas de Tráfico e unha ambulancia do 061.
