O Concello de Noia vén de informar do avance dos traballos para a mellora do tránsito e a seguridade no paso de peóns da rúa Pedra Sartaña. Segundo informan dende o Goberno local, a transformación deste paso permitirá adaptalo ao cumprimento da normativa sobre accesibilidade, eliminando as barreiras existentes para persoas con mobilidade reducida.
Nos vindeiros días comezaranse os traballos no paso de peóns de rúa de Galicia, un punto que comparte co anterior o feito de ser moi transitado. O Concello explica a este respecto que diante do Froiz irá un paso elevado formado por aglomerado asfáltico en quente.
