M. A. – Os receptores Martín Casais e Héctor Barro, integrantes do equipo xuvenil do Boiro Voleibol, foron convocados pola selección española sub-17 para incorporarse á concentración que terá lugar entre o domingo 5 e o xoves 9 en Palencia.
O combinado nacional, dirixido polo técnico José Luís Moltó, preparará o Campionato de Europa sub-18 que se celebrará en xullo en Xeorxia.
Martín Casais e Héctor Barro forman parte dunha convocatoria que se adestrará durante a semana que vén en Palencia. A seguinte chamada da selección nacional producirase a finais de decembro, cando o combinado sub-17 disputará dous amigables contra Portugal.
