O Concello de Boiro, a través das áreas de Cultura e Educación, desenvolve unha nova edición da Mostra de Teatro Escolar. A actividade deu comezo este 16 de novembro no auditorio da Casa da Cultura de Boiro coa representación de Ningures, de Teatro ó Cubo, e vaise desenvolver os días 16, 17, 18 e 23 de novembro.
Na mañá este 16 de novembro participou o alumnado de 5º e 6º de CEIP Abanqueiro; 4º do CEIP Praia Xardín; 4º, 5º e 6º do CEIP Santa María do Castro; e 4º e 5º dos CEIP Escarabote e Cespón. Mañá mércores será o alumnado de 1º e 2º do CEIP Praia Xardín; e 1º, 2º e 3º de Escarabote e Cespón quen asista á representación de Tita. Un espectáculo sobre a intelixencia emocional de Teatro Babaluva.
O xoves, o alumnado de 1º a 4º curso do CEIP Abanqueiro; 3º do CEIP Santa Baia; 3º do CEIP Praia Xardín e 1º, 2º e 3º do CEIP Santa María do Castro asistirá á representación de Lila Teatro Duncan de palleiro e o martes 23 pechará o ciclo coa representación O eco das pedras de Raquel Quizás para o alumnado de 1º, 2º e 4º do CEIP Santa Baia.
