Chegan a Ribeira, este venres, as obras distinguidas no 15º Premio de Fotografía Luis Ksado

As obras galardoadas na décimo quinta edición do Premio de Creación Fotográfica Luis Ksado que organiza a Deputación da Coruña desembarcarán este venres 19 de novembro no Centro Cultural Lustres Rivas de Ribeira.

A instalación albergará as creacións do fotógrafo gañador (J. M. López, coa proposta Atrapados ás porta de Europa) e as dos seis finalistas: Javier Atienza Alonso (Horizonte olvidado de arena), Clemente Bernad (Morir de sueños), Jesús Caballero (Carretera descoñecida), Miguel Gómez Muñiz (Segunda pel), Brais Lorenzo Couto (Tempos de pandemia) e Jesús Madriñán (A esmorga).

Inauguración

O acto inaugural será o venres ás 13 horas. A mostra poderá verse ata o 17 de decembro de luns a venres de 10 a 13 e de 19 a 21 horas e os sábados de 11 a 14 horas.

A entrada é gratuíta.