O Concello de Boiro executa obras para a dotación de beirarrúas nun tramo en Goiáns, dende a entrada do Coído á Changuiña e tamén o pavimentado do CEIP de Abanqueiro. As actuacións forman parte dun proxecto para a reparación e mellora de beirarrúas e pavimentos no Concello de Boiro, que se executa con carto ao Plan de Obras e Servizos (POS+) da Deputación da Coruña.
En Goiáns estase a realizar unha actuación para a execución de beirarrúas de 66 metros lineais e de 1,8 metros de ancho para dotar a zona de seguridade viaria nun tramo moi sensible para o tránsito de peóns. Ademais con esta obra que se está a realizar, vaise realizar unha correcta recollida de pluviais que evite a formación de pequenas lagoas que se viñan producindo en época de choivas.
No CEIP de Abanqueiro estase a realizar unha actuación para a mellora da seguridade viaria nas horas de entrada e saída ao centro. Para iso estase a executar unha zona de estacionamento interior para 17 vehículos, totalmente accesible. Deste xeito desvíase parte do estacionamento de vehículos da rúa principal de acceso para facilitar a circulación.
Estas dúas actuacións contémplanse dentro dun proxecto para a reparación e mellora de beirarrúas e pavimentos en Boiro, dun importe de 164.074 euros, que se executa mediante o financiamento da Deputación da Coruña con cargo ao Plan Único Concellos (POS+2020).
