O Concello de Boiro participa na Campaña de Inverno 2022 que leva a cabo a Deputación da Coruña e mediante a cal dez rapaces e rapazas desfrutarán dunha estancia e manutención na estación de inverno de Valgrande-Pajares, en Asturias. As datas nas que se vai levar a cabo a actividade son ente o 21 e o 24 de xaneiro de 2022.
A actividade consiste nunha estancia e manutención de catro días en aloxamentos situados a pé de pista na estación de Valgrande-Pajares. Os nenos e nenas participantes serán de 12 a 15 anos e o prezo da participación é de 85 euros. No caso de que haxa máis inscricións que prazas, farase un sorteo público para o desempate.
O prazo para a presentación de solicitudes está aberto dende este martes día 30 de novembro de ata o 14 de decembro. As preinscricións poden facerse no departamento de Deportes do Concello de Boiro, de maneira
presencial na Casa da Cultura. Toda a información no teléfono 981 84 84 25 ou no enderezo electrónico deportes@boiro.org.
