Atopan ao veciño de Boiro, Serafín Muñiz, que faltaba da súa casa desde o venres

O veciño de Boiro, Serafín Muñiz, de 84 anos, que faltaba do seu domicilio desde a tarde do pasado venres, foi atopado san e salvo na zona de Triñáns. Oito horas de intensa procura coa participación da brigada canina da Garda Civil, un helicóptero, drons do Axega, Protección Civil de Boiro, Policía Local, veciños e familiares que frutificaron atopnado o home.

O rastrexo comezou nas inmediacións da súa vivenda para ir polos sitios habituais por donde solía pasear o home. Non é a primeira vez que este veciño de Triñáns desaparece. Fai un par de anos tamén se desorientó durante unha das súas camiñadas e foi a súa filla quen o atopou en Exipto.

A Unidade de Drons da Axencia Galega de Emerxencias (AXEGA) colaborou cos axentes da Garda Civil na busca do home desaparecido, no concello de Boiro.

O 112 Galicia tivo coñecemento da situación, ás dez desta mañá, a través da chamada da Policía Local da localidade. Segundo a información facilitada aos xestores de emerxencias, o varón falta do lugar de Triñáns, en Abanqueiro, desde a pasada tarde.

Deste xeito, desde o Centro Integrado de Atención ás Emerxencias de Galicia (CIAE-112) informouse aos membros de Protección Civil de Boiro, que pasaron a formar parte do operativo de busca coordinado pola Garda Civil, xunto á Policía Local. Ademais, desde o mediodía, o equipo de drons da AXEGA sumouse á procura do octoxenario perdido.

Unidade operativa de drones da Axega