As escritoras Charo Lopes, Lucía Aldao e Nuria Vila participan este xoves 25 nunha lectura colectiva de poemas en Boiro

22 Novembro 2021


O Concello de Boiro, a través da Concellería de Feminismo e Igualdade, organiza unha serie de actividades para conmemorar o 25N, o Día Internacional contra a Violencia de Xénero. O acto central terá lugar o xoves 25 ás 13.30 horas diante do Concello de Boiro, e vai consistir nunha lectura de poemas.

O Concello de Boiro convoca unha lectura colectiva dos poemas escollidos por Charo Lopes, Lucía Aldao e Nuria Vil a través das voces de representantes da Asociación Ambar a prol das presoas con diversidades funcionais e cognitivas, das mulleres do Centro de Día de Boiro e o alumnado de centos educativos de Boiro. O acto realizarase o xoves 25 de novembro de 2021 ás 13.30 horas diante da Casa Consistorial de Boiro.

Amais, co obxectivo de “mostrar unha resposta colectiva de rexeitamento das violencias de xénero e dos asasinatos machistas”, o Concello colaborará coa Asociación Boirense de Empresarios (ABE) para implicar ao tecido empresarial na difusión das campañas de sensibilización social contra esta lacra. Con este obxectivo Boiro adheriuse ás campañas De Fronte contra a violencia de xénero, impulsada pola Deputación, e En Negro contra as violencias, unha acción colectiva de sensibilización social contra as violencias machistas.
Dende a área de Feminismo e Igualdade trabállase durante todo o ano en actividades e accións que teñen como obxectivo loitar contra a violencia machista. Este mes realízanse unha serie de charlas englobadas dentro do ciclo Muller e saúde, uns faladoiros gratuítos sobre saúde vinculada á cuestión de xénero. O venres 26 de novembro abordarase a temática sobre habilidades de manexo de estrés, impartida por Patricia Porrúa Monteroso, psicóloga sanitaria, a partir das 16.30 horas no Centro Social de Boiro.
Durante estes días pode visitarse tamén no Centro Social de Boiro a mostra permanente Mulleres Senlleiras e, no me de febreiro, expoñerase Nós somos elas unha mostra da Deputación da Coruña.

Outros artigos

Publicidade

Revista en papel

Opinión

“Unha de ameixa roubada”. Antón Luaces

“Unha de ameixa roubada”. Antón Luaces

Está visto: seis mil euros non é o valor real da cría de ameixa roubada aos mariscadores do pósito de San Antonio, en Cambados, porque a ameixa substraída da batea de preengorde podería multiplicarse por tres ou catro en base ao resultado dos plans de semente que...

“Los menores inmigrantes”. José Castro López

“Los menores inmigrantes”. José Castro López

La inmigración es responsabilidad del Gobierno, pero su única política conocida fue lasobreactuación que montó en Valencia en 2018 para recibir al Aquarius. Desde aquel“golpe de efecto” no se conocen medidas gubernamentales razonables para enfrentarse aeste...