A Asociación Ambar das persoas don diversidade funcional presenta este venres 5 de novembro a primeira das actuacións da súa proposta artística contra a violencia de xénero no rural: As paisaxes de Camille. Será ás 20:00h no Centro Cultural Avenida do concello da Rúa (Ourense).
Esta acción é unha das cinco que se desenvolverán no mes de novembro en distintas localidades da contorna galega vinculadas ó Camiño de Santiago. En palabras de Ambar, estamos ante “unha peza de artes vivas que mestura texto, movemento, corpo e danza e versa sobre a loita contra a violencia de xénero.
Máis polo miúdo, As paisaxes de Camille é unha peza escénica contemporánea que explora a contención, a rabia, a delicadeza e a sororidade, atravesando a imaxinaría escultórica e a vida da escultora francesa Camille Claudel con poemas paisaxísticos, coreografías e humor onírico.
Producida por Ambar, conta coa dirección artística da creadora escénica, poeta e dramaturga Helena Salgueiro de ABAR, xunto co grupo de artes escénicas de Ambar composto integramente por mulleres con capacidades diversas: Noelia Argibay, Ángeles Devesa, Marina Mondelo, Conchita Mouriño, Carmen Pérez, Olaia Pérez, Montse Queiruga e Mercedes Río, que son as encargadas de representar a peza.
Esta acción enmarcase no Pacto do Estado contra a violencia de xénero e está financiada pola Axencia Galega de Desenvolvemento Rural.
A asociación subiu á Rede un vídeo no que se mostra o importante traballo despregado por Helena Salgueiro e as integrantes do grupo de artes escénicas da asociación.
Itinerario do programa
-A Estrada
Mércores, 10 de novembro ás 13h
Teatro Principal A Estrada
-O Pino
Xoves, 11 de novembro ás 13h
Centro Sociocultural O Pino
-Noia
Venres. 12 de novembro ás 20:30h
Coliseo Noela
–Mondoñedo
Domingo, 14 de novembro ás 18h
Auditorio municipal de Mondoñedo
