O Concello de Porto do Son confirmou a súa participación na Campaña de Inverno da Deputación da Coruña, unha campaña que se vai materializar en excursións xuvenís á Estación de Valgrande – Pajares, en Asturias. Poderán participar nenos e nenas empadroados no concello, de 12 a 15 anos inclusive (cumpridos a 31 de decembro de 2021). Terán preferencia as crianzas que non foran a ningunha campaña invernal da deputación coruñesa.
Ao concello de Porto do Son correspóndenlle sete prazas (o 21 ao 24 de xaneiro). De existir máis solicitudes que prazas ofertadas realizarase un sorteo público. As inscricións deberán facerse dende o día 30 de novembro ata o 14 de decembro de 2021.
