A Policía de Rianxo cortará o tráfico este sábado en varios lugares de Taragoña por mor do Rally Ribeira – Ría de Arousa

11 Novembro 2021

A Policía Local emitiu un comunicado relativo á celebración da primeira edición do Rally Ribeira – Ría de Arousa, que se celebra este sábado 13 de novembro (e tamén o domingo 14) pasando un dos treitos do seu percorrido pola parroquia de Taragoña, afectando aos lugares de Paradela, Ourille, Campomaneiro, Paradela e Fonte Susán. Deste xeito, coa finalidade de garantir a seguridade da proba e das persoas, a Policía Local de Rianxo advirte de que se vai proceder ao cortar o tráfico en todo o devandito percorrido, entre as 13:30 ás 21:30 horas aproximadamente.

Estas son as indicacións pormenorizadas que achegan os axentes de Rianxo:

1. Pastoriza: os veciños deberán retirar os vehículos da calzada e das marxes por seguridade, e quen teña previsión de moverse terá que telos na pista que vai cara a Lousame, que quedará aberta ó tráfico, quedando pechada a pista cara a Candosa (Boiro), pola que discorre o tramo.

2. Ourille: deberán ser retirados os vehículos da calzada e das marxes por seguridade, e quen teña previsión de moverse terá que telos na parte leste na pista que vai cara Araño, que estará aberta ó tráfico.

3. Paradela e Fonte Susán: non se corta o tráfico da pista para os veciños destes lugares, se ben é recomendábel circular o imprescindíbel e con precaución dado que é pola que os vehículos participantes abandonan o tramo. O acceso a estes lugares quedará reservado solo á veciñanza, salvo urxencias.

Emerxencias Sanitarias: Nos lugares de Pastoriza e Ourille, dentro do circuíto, as emerxencias sanitarias serán atendidas en primeira instancia polas ambulancias que cobren a proba.

A Policía Local prega a colaboración da veciñanza para que “se alguén ten previsto a utilización dos vehículos nas franxas horarias sinaladas, os retire dos lugares afectados con antelación suficiente para evitar contratempos e esperas innecesarias”.

Outros artigos

Incendio de colector de lixo no concello de Rianxo

Os bombeiros do parque Comarcal Provincial de Boiro acudiron ás 7:30 á Rianxo por mor dun incendio nun colector de lixo no lugar de Ourolo, fronte o Bar Confort en Taragoña. Á chegada dos efectivos a Policía Local de Rianxo xa tiña o lume case extinguido ao...

+

Publicidade

Revista en papel

Opinión

“Vergüenza o sinvergüenza”. José Antonio Constenla

“Vergüenza o sinvergüenza”. José Antonio Constenla

Desvergonzado es aquel “que habla u obra con desvergüenza”, y también elque “no muestra vergüenza por cometer acciones que se reputan inmorales”. Yvergüenza es la “turbación del ánimo ocasionada por la conciencia de algunafalta cometida, o por alguna acción deshonrosa...

“Para desfrutar dela”. Luís Celeiro

“Para desfrutar dela”. Luís Celeiro

As festas de verán en Galicia son ledicia, festa, música e baile, verbena e fartura. Pola mañáé outra cousa, os traballadores teñen que respectar o horario e andar dereitiños cara aolugar do traballo. Ou cara ao ordenador que espera coa lámpada acendida e co disco...