O alcalde de Ribeira, Manuel Ruiz, estivo esta mañá en Aguiño coa fin de felicitar en persoa a Josefa Fernández: a veciña desta localidade que fai unhas semanas, co gallo do seu cen aniversario, recibiu unha placa conmemorativa de parte do Concello nun pequeno acto no que o rexedor non puidera estar presente por atoparse fóra de Galicia con
motivo do foro sobre intelixencia e sostibilidade urbana Greencities & S-Moving, celebrado en Málaga.
No transcurso da xuntanza de hoxe —á cal tamén acudiron as edís Juana Brión e Ana Barreiro—, rememoráronse moitas das vivencias de Josefa Fernández, quen perderá ao seu marido e varios familiares no naufraxio do cerqueiro “Cartagena 3” en abril de 1945: un terrible suceso acontecido nos baixos de Corrubedo que ocasionou a morte
de 23 tripulantes, todos eles de Carreira e Aguiño.
