Xa está a aberto o prazo de inscrición para o curso de elaboración na industria alimentaria de Ambar

A Asociación Ambar, centrada na plena inclusión das persoas con diversidades funcionais e/ou motrices, vén de informar da apertura das inscricións para a formación Operacións auxiliares de elaboración na industria alimentaria, que impartirá a asociación con sede principal en Ribeira. A actividade comezará o 8 de novembro do 2021 e celebrarase de luns a venres no Centro de Recursos da Asociación Ambar en Ribeira (San Roque/Frións) de 10 a 14h.

Esta iniciativa está destinada a persoas con diversidade funcional menores de 30 anos e busca mellorar a inserción socio laboral destas persoas a través de programas de formación.

A actividade é posíbel grazas á subvención da Fundación ONCE concedida a través da convocatoria Uno a Uno de axudas económicas para a empregabilidade.

Sobre a formación Operacións auxiliares de elaboración na industria alimentaria, está destinada a ocupación de persoal de almacén, carretilleiro ou carretilleira, auxiliares e operarios da industria alimentaria. O curso contará cunha fase teoría (220h) e outra práctica de formación nun posto de traballo (120 horas) dun total de 340 horas. Esta formación é para un máximo de 10 persoas, gratuíta e conta cunha bolsa de asistencia de 9 euros ó día na fase teórica.

Requisitos

Os requisitos das persoas participantes son:

• Que teñan unha idade comprendida entre os 16 e 30 anos

• inscritas e inscritos no Sistema Nacional de Garantía Xuvenil

• Ter unha diversidade funcional recoñecida igual ou superior ó 33%.

Inscricións

As persoas interesadas poden formalizar a súa inscrición:

• Chamando directamente ó 981 87 44 80

• Ou a través da ligazón específica da asociación.