O Polideportivo Miguel Ángel Nadal foi un obxectivo inalcanzable para o Rotogal Boiro Voleibol. O conxunto de Marcelo “Chinés” Benavídez callou un partido irregular e, a pesar de que deu un bo nivel no segundo set, non puido dar a sorpresa #ante un Conectabalear Manacor que se amparou na inspiración ofensiva de Thiago Vanole e na súa habitual agresividade no saque para anotarse o triunfo (3-1).
O conxunto local despregou desde o inicio o seu habitual xogo baseado na contundencia no servizo.
O Rotogal Boiro Voleibol, que non se acabou de atopar cómodo na cancha dos manacoríes, pagou as intermitencias desde o arranque do choque e cedeu o primeiro set por 25-21.
O Rotogal Boiro Voleibol aparcou a súa cara máis agrisada e exhibiu a súa mellor versión na segunda manga, na que ofreceu unhas excelentes prestacións tanto na recepción como no bloqueo- defensa (22-25). Con todo, os visitantes careceron de continuidade e víronse desbordados por un adversario que volveu presionar moito co saque para pechar o duelo con relativa tranquilidade (25-18 e 25-17). (Miguel Álvarez)
Conectabalear Manacor, 3: Walter da Cruz, Sergio Ramírez, Thiago Vanole, Víctor Méndez, Raymond Barsemian, Caetano Filter e Antoni Piris (líbero). Tamén xogaron José Chourio e Miguel Gallego.
Rotogal Boiro Voleibol, 1: Gaby del Carmen, Mario Iglesias,José Carlos Romero, Felipe Benavídez, Renan Levandoski, Gaspar Bitar y Adrián Alves (líbero). Tamén xogaron Ismael Martínez, Pablo Nieto e Alan Davila.
Sets: 1-0 (25-21), 1-1 (22-25), 2-1 (25-18) y 3-1 (25-17).
Árbitros: Saiz Goyenechea e Rodríguez Machín.
Incidencias: Partido disputado no Polideportivo Miguel Ángel Nadal.
