Suma Ribeira critica o delegado provincial por, di, facer política no acto de homenaxe ás vítimas da Covid

25 Outubro 2021

Nun comunicado feito esta tarde a formación política “Suma Ribeira” di que lamenta que o acto de homenaxe ás vítimas da COVID celebrado o pasado sábado se tivera convertido nun acto de partido do PP, cunha intervención que califica de “obscena” por parte do delegado da Xunta pola provincia da Coruña, Gonzalo Trenor, quen aproveitou a súa intervención para contrapoñer a política “exitosa” de Feijóo fronte aos que queren subir impostos e impoñer peaxes nas autovías, en clara alusión ao goberno do Estado.
Suma Ribeira, que xa anunciara que non participaría institucionalmente no acto por discrepancias coa súa organización á marxe do conxunto das forzas políticas e sociais de Ribeira, como correspondería a un acto destas características, considera lamentable que un representante da Xunta aproveitara a dor e os sentimentos das persoas para facer política carroñeira, afirmando que a Xunta de Galicia é a que mellor representa a vontade dos galegos e galegas e rebaixa impostos para potenciar a recuperación económica mentres outros os suben e nos queren impoñer peaxes nas autovías.
Non foron de recibo, din, as formas, nin moito menos que unha homenaxe, que o seu entender foi organizado con eivas ao consenso, e que debera servir para unir a toda a cidadanía de Ribeira, fose utilizada politicamente e de xeito partidario polo Delegado Provincial da Xunta, obstaculizando así a percepción dunha Homenaxe de unidade ante os efectos da pandemia da pluralidade e diversidade de toda Ribeira.

Outros artigos

Publicidade

Revista en papel

Opinión

“España”. Alberto Barciela

“España”. Alberto Barciela

España se hace grande con lo aparentemente sencillo. Entonces deja de ser una Europa periférica que arrambla con esa idea de que el continente termina en los Pirineos, para reivindicarse como la tierra conquistadora, que acobijó a todas lAs culturas, que se embebión...

“Cuando los socios no apoyan al Gobierno”. Arturo Maneiro

“Cuando los socios no apoyan al Gobierno”. Arturo Maneiro

Cuando las materias que pretende conseguir o las normas quequiere aprobar no les favorece de forma clara -no sacan nada enlimpio, no hay más poder o más dinero-, los socios de investidurade Sánchez no lo apoyan; entonces, leña al PP.En estos casos, los ministros y...