Salvamento Marítimo remolca un mercante que sufriu unha avaría fronte a cabo Corrubedo

Buque Salvamenro Don Inda

O buque ‘Don Inda’ de Salvamento Marítimo remolca cara ao porto de Vigo un mercante que sufriu unha avaría fronte á costa galega, á altura de Finisterre (A Coruña) e a unhas 42 millas ao oeste de cabo Corrubedo.
O buque ‘ Elbsky’ sufriu unha avaría mecánica que conlevou que se detivese á saída dun dispositivo de separación de tráfico, que exerce como unha autoestrada no mar, situado á altura de Finisterre.
Salvamento Marítimo contactou con este mercante e informoulle de que debería contratar un remolque comercial se a avaría non podía repararse. Este xoves, o ‘ Elbsky’ confirmou que o problema non puidera solucionarse e indicou que contratara ao buque ‘Ría de Vigo’ para que o remolcase ao porto da cidade olívica para a súa reparación pero ante as previsións meteorolóxicas e o feito de que o ‘Ría de Vigo’ aínda non chegara ao lugar obrigou a Salvamento Marítimo a remolcar ao mercante en dirección ao porto de Vigo, onde se procederá á reparación da avaría sufrida.