Este domingo 3 de outubro celebrouse en Porto do Son a presentación do libro En un lugar de esta aula, escrito por Suso Montero, Mariela Dosil, Carolina Mourelos e Jesús Montero. Foi na Casa da Cultura da vila sonense, ás 19.30 horas.
A obra presentada é froito do traballo desenvolvido polo profesorado de Noia, no Instituto Campo de San Alberto, nas actividades de ensino para adultos levadas a cabo ao longo destes anos. A través do proxecto formativo de dinamizador En un lugar de esta aula, o alumnado puido levar a cabo unha guía pedagóxica (que foi a que se presentou en Porto do Son, coordinada por Mariela Dosil) e máis un xogo interactivo.
A guía contén un banco de actividades sobre 45 textos da literatura galega, española, portuguesa inglesa e iberoamericana.
O outro gran proxecto do grupo foi O Camiño das palabras, que é o nome do xogo interactivo, que funciona de xeito similar ao xogo da oca. O concello Noia é o fío temático condutor desta proposta innovadora de lecer e divulgación, a través dos gravados das laudas gremiais e petróglifos da contorna.
