Outes acolle este venres a presentación do caderniño 8 dos episodios republicanos barbanzáns

O vindeiro venres 15 de outubro vaise presentar en Outes, na Casa da Cultura ás 20.00 horas, un novo caderniño (o número 8) dos episodios republicanos barbanzáns impulsados pola Comisión pola Recuperación da Memoria Histórica da Barbanza: A Represión do profesorado. Serra de Outes e Porto do Son, da autoría de Xoan Francisco García Suárez e Manuel Mariño del Río. As persoas interesadas en acudir ao acto, impulsado pola devandita Comisión, deberán reservar praza no correo crmhbarbanza@gmail.com ou ben a través do número de teléfono 664 081 327 ou o mesmo día no lugar do evento.