Segundo triunfo consecutivo do Puebla nesta Preferente. Fíxoo de forma cómoda ante un Laracha que se viu superado desde o primeiro minuto de encontro. Falcón, con dous goles dignos da súa zurda, foi o home decisivo para un Puebla que gañou 0-2 e logrou a súa primeira vitoria como visitante.
O duelo arrancou cos branquiazuis moi superiores e imprimindo moito ritmo ao inicio do encontro. Tal foi así que no minuto 3 Xabi mandou un remate ao traveseiro, e na seguinte xogada Falcón poñería o 0-1 cun gol olímpico. Antes do minuto 10, Viturro fallou un penalti, un feito que deu enerxía aos locais que comezaron a meterse no partido.
Pero nada máis lonxe da realidade, logo do paso polos vestiarios Viturro e Santi estiveron a punto de anotar un segundo tanto que chegaría no minuto 53 logo dun zapatazo de Falcón. A pesares dos intentos do Laracha por acercarse no marcador, o Puebla foi quen máis cerca estivo de aumentar a vantaxe, pero o electrónico non se movería do definitivo 0-2.
Con este triunfo o Puebla colle aire e sitúanse en posto de promoción de ascenso por primeira vez na tempada con 8 puntos. A vindeira xornada recibirán ao Fisterra, que actualmente ocupa a terceira praza con 10 puntos.