O CS de Cabo acolle a mostra Transmutación interna de Rosario Palacios

O Centro Social de Cabo de Cruz acolle este mes de novembro a mostra pictórica Transmutación interna, da artista Rosario Palacios Orive. A inauguración desenvolveuse este xoves 28 de outubro, e no acto participou a artista, Rosario Palacios, acompañada da concelleira de Cultura, María Outeiral.

A mostra poderase visitar durante todo o mes de novembro na sala de exposicións do Centro Social de Cabo de Cruz, aberto de luns a venres en horario de 10.00 a 14.00 horas e os martes e xoves tamén pola tarde en horario de 16.00 a 19.00 horas.