O Concello de Boiro está a acondicionar e poñer a punto os campos de fútbol do municipio con vistas “á mellora das instalacións deportivas de titularidade municipal”. Nas últimas semanas realizáronse traballos de limpeza e recheo da zona de xogo nos campos de Cures e Bealo.
Con esta actuación ó que se pretende é optimizar unhas instalacións empregadas polos veciños e veciñas das parroquias e que, segundo informa o Concello, “atopábanse en malas condicións para a práctica deportiva”. O Goberno de José Ramón Romero está a realizar a limpeza e nivelado do espazo para acondicionar o terreo de xogo das instalacións.
