Este xoves está previsto que o Consello de la Xunta aprobe o levantamento do estado de emerxencia sanitaria, que se fará efectivo a partir do sábado.
O comité clínico que asesora á Xunta na toma de decisións na pandemia analizará este mércores o horario da hostalería, que ata o de agora ten como máximo a 1 da madrugada, pero a decisión final adoptarase tras este encontro e unha reunión co propio sector tamén na mesma xornada.
O conselleiro de Sanidade, Julio García Comesaña, lembrou que o comité clínico de hai 15 días xa apuntou que habería un aumento de aforos máximo no caso de que se mantivese o ciclo epidemiolóxico á baixa, como se está confirmando.
“E os datos mantéñense e mesmo melloran”, sinalou Comesaña, quen apuntou que “o camiño para seguir é esa volta á normalidade, pero mantendo aspectos tan importantes como o uso das máscaras nos interiores, a distancia e evitar aglomeracións”, incidiu o conselleiro.
Na súa intervención, insistiu en que “a idea xeral é proseguir na volta á normalidade”, pero con esas excepcións de medidas. En canto ao lecer nocturno, explicou que se segue a “tendencia de ir aumentando progresivamente os aforos”, aínda que neste sector seguirase mantendo o requisito do certificado covid de vacinación –ou proba diagnóstica negativa ou certificado de superar a enfermidade no últimos seis meses–.
O conselleiro de Sanidade ratificou, iso si, que está encima da mesa a recuperación de horario “máis aló da unha da madrugada”. “Temos unha reunión co sector, do mesmo xeito que co comité clínico, par tomar a decisión final”, explicou.
