Este venres 29 de outubro a mocidade de Boiro ten unha cita co espírito de Samaín e todos seus diferentes e diversos ingredientes (diversión + medo + creatividade + participación) no local Leñaverde do Centro Social. Trátase da actividade Pasaxe do Terror, que argallou (para conmemorar a dita festividade do Samaín) o grupo de voluntariado xuvenil Turbina, en colaboración co Concello de Boiro.
Será en dúas quendas: de 18.00 a 19.30 horas (para público familiar) e de 21.00 a 24.00 horas (para a mocidade propiamente dita).
A entrada será gratuíta e habilitaranse grupos reducidos, que se irán formando segundo orde de chegada.
