A xerente da Área Sanitaria de Santiago de Compostela e Barbanza, Eloína Núñez, visitou esta mañá o Centro de Saúde de A Pobra, no que se realizarán diversas obras de mellora por valor duns 50.000 euros. O edificio que é propiedade municipal contará con financiación aportada ao 50% por cada administración: xunta e concello. Ademais, a xerente da área comunicou aos profesionais que o centro de saúde pasará a constituírse como servizo propio de Atención Primaria, pasando a ser independente do de Ribeira. No encontro cos profesionais a doutora Núñez estivo acompañada polo alcalde de A Pobra do Caramiñal, Xosé Lois Piñeiro, e membros do equipo directivo sanitario: María José López Rebollo, directora de Recursos Económicos, Salvador Mariño, director do Distrito Sanitario do Barbanza, Ana Turnes, subdirectora Médica de Atención Primaria e Montserrat Souto, subdirectora de Enfermería de Atención Primaria.
As obras executaranse neste mesmo ano e procederase, nunha primeira fase, á renovación de ventás, modernización da zona de lavado de mans de consultas e pintado xeral interior. Tamén se reformará a zona de duchas e os baños do 1 andar e do andar 0. No exterior realizarase o encintando da fachada. O vindeiro ano planificaranse e desolveranse novas actuacións.
