P.P. Voltou á competición oficial o Barbanza Rugby Club. Despois de moito traballo durante moito tempo para lograr confeccionar o plantel, os de Rianxo saltaron esta na segunda xornada ao verde para enfrontarse ao Pontevedra.
O equipo dirixido por Parada saíu derrotado nun encontro no que debutaron tres lesionados e dous xogadores debutaban no deporte. O Barbanza Rugby loitou durante todo o encontro, sen dar un balón por perdido, pero a experiencia e a calidade do rival impúxose desde o primeiro momento. O técnico afirmo que “é unha dura derrota, pero o importante foi que non se mancou ninguén dado mos poucos efectivos cos que contamos”.
Este domingo os rianxeiros enfrontaranse ao Ourense R.C. “B” na casa, onde esperan facer un mellor partido ante un rival máis asequible que o da xornada anterior. Desde logo, a pesar da derrota, Barbanza Rugby Club saíu gañando nesta xornada, xa que o principal obxectivo era saír a competir e evitar a desaparación do club, e iso está máis que logrado.
