O alumnado de Xeografía Humana da USC visitou o Concello de Boiro

A Casa do Concello de Boiro recibiu na mañá deste 27 de outubro ao alumnado da materia de Xeografía Humana que se imparte no Grao do Xeografía e Ordenación do Territorio da USC (Universidade de Santiago). As e os estudantes foron recibidos polo concelleiro de Turismo, Carlos Muñiz, e mantiveron un encontro co concelleiro de Medio Ambiente, Raúl Treus.

Durante a visita a Boiro tiveron oportunidade de visitar o Concello de Boiro, coñecer a Oficina de Turismo e cales son os principais reclamos do municipio. Co concelleiro de Medio Ambiente conversaron sobre a importancia perspectiva da xeografía na administración pública e a relación e xestión da mobilidade rodada e peonil.