Inaugurada no porto de Ribeira a exposición sobre o legado de Carvalho Calero impulsada pola Deputación

05 Outubro 2021

A Deputación da Coruña inaugurou en Ribeira a súa mostra sobre o escritor Ricardo Carvalho Calero, homenaxeado no Día das Letras Galegas de 2020. A exposición forma parte dun programa conmemorativo que algunhas institucións e entidades, como por exemplo a Deputación, quixeron prolongar máis alá de 2020, co obxectivo de permitir a máxima divulgación alén do ano máis crítico da pandemia.

Na inauguración da mostra que percorre a obra do autor ferrolá, máximo representante do movemento reintegracionista (que promulga unha unión cultural e idiomática máis estreita con Portugal), participou a deputada de Normalización Lingüística da Deputación da Coruña, María Muíño, acompañada de diversos membros da Corporación municipal de Ribeira, como a primeira tenente de alcalde, María José Sampedro, e os concelleiros Ramón José Doval, Víctor Reiriz, José Manuel Vilas e Xosé Cobas.

A exposición ficará visíbel “a ceo aberto” na explanada do porto de Ribeira.

Trátase da mostra coa que o ente provincial homenaxea o autor ao que o pasado ano se lle dedicou o Día das Letras Galegas e cuxa celebración quedara “desdebuxada” por mor da irrupción da pandemia e as restricións que a COVID desencadeou.

En Ribeira, a apertura da exposición estivo acompañada por unha actividade complementaria organizada desde o Concello e que consistiu nun contacontos relativo a Ricardo Carvalho Calero co fin de difundir o seu legado entre a comunidade escolar.

Na súa visita, María Muíño fixo fincapé en que “esta iniciativa nos permite abordar a figura deste autor dun xeito autobiográfico pero tamén conectando a súa traxectoria con fitos relevantes na historia do país”, ao tempo que indicou que “ao optar por un formato de exposición que pode visitarse a pé de rúa tamén pretendemos facilitar que a difusión chegue ao maior número de públicos posible”.

A exposición, a través de trece expositores permite percorrer outras tantas etapas da vida de Carvalho Calero, facendo especial fincapé no legado do autor ao que o pasado ano se lle dedicou o Día das Letras Galegas. Así, nestes trece paneis pódese visitar a traxectoria vital e profesional do autor, desde o seu nacemento en Ferrol até o peche co titulado Mestre de Compromisos onde se fai mención ás distintas homenaxes que recibiu antes do seu falecemento e tamén se recolle unha imaxe do alumnado da primeira promoción de Filoloxía galego-portuguesa da que foi profesor.

A mostra, concibida desde a filosofía da itinerancia co fin de chegar a diferentes puntos da provincia, iniciara o percorrido en Ferrol por se o lugar de nacemento do propio Ricardo Carvalho Calero. Agora, permanecerá exposta en Ribeira ata o día 18, para despois viaxar ata Betanzos, onde poderá visitarse ata o 28 de outubro, para trasladarse posteriormente a Sada (entre o 28 de outubro e o 15 de novembro), Melide (do 15 ao 29 de novembro) e Rianxo (do 20 de xaneiro ao 3 de febreiro de 2022).

Outros artigos

Publicidade

Revista en papel

Opinión

“El fútbol es algo más” – José Antonio Constenla

“El fútbol es algo más” – José Antonio Constenla

¡Gooool! Ese es el cántico que se ha escuchado prácticamente en todas las calles de España. El “¡Yo soy español, español, español...!” ha retumbado en todos los rincones del país cuando el árbitro señaló el final del partido que nos ha convertido en reyes de Europa. 4...

“España”. Alberto Barciela

“España”. Alberto Barciela

España se hace grande con lo aparentemente sencillo. Entonces deja de ser una Europa periférica que arrambla con esa idea de que el continente termina en los Pirineos, para reivindicarse como la tierra conquistadora, que acobijó a todas lAs culturas, que se embebión...