In Memoriam: “Os González Mariño, institución en sí mesmos na docencia”. Antón Luaces

23 Outubro 2021

Tres irmáns: Bernardo, Ramón e Ventura. Os tres, mestres; dos tres, só un, Ventura (“Turita”) pervive. Porque Bernardo deu en agosto pasado un xiro á súa existenza, dicindo adeus a unha ecuación de segundo grao que o levou dos libros cara ao infindo. Ramón, ven de facer o mesmo nestes últimos días do outubro, cando o merlo canta baixiño entre os vellos carballos de Deán. 

Os tres irmáns sempre foron coñecidos polos deminutivos dos seus nomes: “Nardín”, “Monchín” e o xa citado “Turita”.
“Nardín”, don Bernardo, xunto con “Monchín”, don Ramón, comezaron aló polos anos 50 do século pasado, formando unha xeración de cativos de distintas idades nunha Riveira que recendía a fábricas de conservas, “casca” para dar cor aos aparellos de fío e á brea coa que se carenaban as dornas. 

Nun edificio de dous andares da rúa Manzanares, en Bandaurrío, abeirando á conserveira Cerqueiras, os irmáns Lens -nomeadamente as fillas maiores, Maricarme e Maribel, se mal non lembro-, Chicho Villa, Joaquín e José María Santos, María Dolores Folgar, Pancho Ageitos, Cipriano Paz, Jesús Vidal Ageitos, Domingos Vázquez, os fillos do daquela xerente de La Fe, as fillas do responsable de RENFE, meu irmán Pepín e máis eu, entre outros, recibiamos dos irmáns “Nardín” e “Monchín” toda a información necesaria para a nosa formación, uns para o bacharelato, outros para ir tirando , sempre da man duns profesores ben metidos nas materias de referencia…

Vista do barrio ribeirense de Bandourrío na década dos cincuenta do século XX

Posteriormente, “Monchín” abriu o seu colexio perto do daquela cuartel da Garda Civil, ao tempo que daba clases de latín e Ciencias na Academia Santa Eugenia,  e “Nardín”, de matemáticas. Este comezaba a súa andaina política coma concelleiro e delegado local do Frente de Juventudes para, xa en democracia, retomar a actividade municipal no Partido Galego Independente, que lideraba en Galicia o exrector da Universidade da Coruña, José Luis  Meilán Gil.Ramón González Mariño, “Monchín”, preparou tamén a distintas promocións de patróns e maquinistas, homes xa feitos e dereitos que saían da escola perfectamente preparados para sufrir o exame que os habilitaba para o exercicio da súa profesión no sector marítimo-pesqueiro.

O terceiro irmán (Ventura-“Turita”), que asistía como un alumno máis ás clases da Academia Santa Eugenia, tamén entrou de cheo no mundo do ensino, no que tamén desenvolveu unha actividade sindical máis que meritoria na cidade da Coruña.

A morte de don Ramón, tan próxima á de don Bernardo, é un motivo máis para nos laiar da desaparición de dous puntais na formación de numerosos riveirenses para os que sempre tiveron unha atención que ía moito máis aló do que esixía o ensino privado daquel tempo.

Que a terra lles sexa leve.

Outros artigos

O Concello de Ribeira reforza o alumeado público na rúa de Galicia

O Concello de Ribeira informou dun reforzamento do alumeado público nalgunhas contornas do centro urbano da cidade, concretamente no treito da rúa Galicia comprendido entre o Mercado Municipal e o cruzamento co Parque García Bayón. Segundo informaron fontes do...

+

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

+

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...

+

Publicidade

Revista en papel

Opinión

El voto del BNG avala a Maduro”. José Castro López

El voto del BNG avala a Maduro”. José Castro López

El pasado día 17 el presidente venezolano, Nicolás Maduro, fue proclamado candidatodel chavismo para las elecciones de julio. Tres días después la Alta Comisionada de lasNaciones Unidas para los Derechos Humanos pedía un proceso electoral “transparente,inclusivo y...

“Meus irmáns” – Xulio Xiz

“Meus irmáns” – Xulio Xiz

Fóronse meus dous irmáns: Mato, o maior, e Santi, o pequeno. O maior, morreume hai unhas semanas. O máis novo, o día do Pai. Se Xesús tivo vida longa e froitífera, Santi foise moi cedo despois de poñer unha pica en Bristol. Os tres somos tamén agora irmáns en terra:...