Este venres 22 de outubro vaise presentar no Museo do Gravado de Artes (Ribeira) unha novo libro que supón a tradución ao galego de dúas obras capitais dun dos grandes poetas de todos os tempos, sobranceiro non só polo valor intrínseco dos seus escritos, senón tamén polos acontecementos da súa vida e polo visionario da súa obra. Estamos a falar do volume Arthur Rimbaud. Iluminacións & Unha tempada no inferno, traducido e anotado por Eme Cartea e con ilustracións de Manuel Teira. A presentación do libro virá acompañado da apertura oficial dunha exposición co mesmo título e coa mesma temática. Será o venres 22 ás 20.30 horas na sala 2 do Museo do Gravado. O acto vén da man do Museo de Artes en colaboración coa Asociación Cultural Barbantia.
