A visita á pista do campión era unha misión case imposible para o Rotogal Boiro Voleibol. Con todo, os de Marcelo “Chino” Benavídez foron a máis co paso dos minutos e acabaron ofrecendo unha gran imaxe no terceiro set, no que fixeron sufrir a un Guaguas que acabou anotándose a vitoria por 3-0.
Ao Rotogal Boiro Voleibol custoulle entrar no partido. O Guaguas, aspirante a todos os títulos, empezou moi enchufado, moi acertado no saque e con poderío no bloqueo. Isto afectou o conxunto visitante, que mostrou dúbidas en ataque e ao que lle custou rotar. Os canarios anotáronse a manga inicial por 25-15.
O Rotogal Boiro Voleibol empezou a crecer no segundo set, no que deu a cara ata o ecuador.
Con todo, o Guaguas apertou o acelerador e, cos mesmos argumentos que na primeira manga, espremeu o seu potencial no saque e o bloqueo-defensa para anotarse outro parcial por 25-15.
Con todo, a mellor versión do Rotogal Boiro Voleibol apareceu no terceiro set. Entón, un inspiradísimo José Carlos Romero liderou o ataque galego con 12 puntos (cun total de 16, foi o máximo anotador do encontro). O campión tivo que sufrir para non ceder a manga, que se decidiu nun cara e cruz final ao que se chegou con 23-22. A moeda caeu ao lado local.
Guaguas, 3: Paulo Renán, Yosvany Hernández, Jorge Almansa, Guilherme Hage, Moisés Cezar, Borja Ruiz y Alejandro Fernández (líbero). También jugaron Yadrián Escobar, César Martín, Matt Knigge, Fran Iribarne y Gustavo Delgado.
Rotogal Boiro Voleibol, 0: Gaspar Bitar, José Carlos Romero, Gaby del Carmen, Pablo Nieto, Renan Levandoski, Mario Iglesias y Adrián Alves (líbero). También jugaron Alan Davila, Ismael Martínez e Jose García.
Sets: 1-0 (25-15), 2-0 (25-15) y 3-0 (25-22).
Árbitro: Antonio Correa y Carlos Portugal.
Incidencias: Partido disputado no Centro Insular de Deportes de Gran Canaria.
