O departamento de Cultura do Concello de Boiro organiza unha programación especial para celebrar o Samaín cunha actividade denominada “Paisaxe do terror” organizada polo grupo de voluntariado xuvenil Turbina. A actividade terá lugar o vindeiro venres 29 de outubro no local Leñaverde do Centro Social de Boiro.
A actividade vai consistir nunha pasaxe de terror dirixida a poboación moza, de idades comprendidas entre os 12 e os 35 anos, aínda que tamén se vai organizar unha primeira quenda dirixida a familias e nenos e nenas entre os 6 e os 12 anos. A quenda familiar será entre as 18.00 e as 19.30 horas e a quenda para a mocidade será ente as 21.00 e as 24.00 horas.
A actividade está integramente deseñada e organizada polo grupo de voluntariado xuvenil Turbina e vaise celebrar no local Leñaverde do Centro Social de Boiro. Os accesos faranse en grupos reducidos de persoas que se irán establecendo por orde de chegada.
