As escolas unitarias de Rianxo divulgan este manifesto e convidan a achegarse este xoves e venres para coñecer o seu labor

O vindeiro 5 de novembro de 2021, ás 16:30 h, na Praza do Concello de Rianxo terá lugar un acto reivindicativo convocado pola Comunidade Educativa do CRA de Rianxo, para manifestar a repulsa polas actuacións da Consellería de Educación ante o que din, os ataques continuados á Escola Rural, en concreto para defender a supervivencia do centro.

O acto comezará ca lectura dun manifesto onde expresarán a indignación pola decisión da Consellería de pechar dúas unidades, suprimir a tres docentes e impedir que os nenos e nenas do rural rianxeiro poidan completar etapa no CRA ata 2o de Educación Primaria como é o desexo das súas familias.

Colocarán nas rúas cartaces feitos polo alumnado do CRA onde recollen a súa experiencia como alumnos e alumnas, manifestando todos os aspectos positivos deste modelo educativo contra o que atenta á Consellería.

A continuación garderán un minuto de silencio pola situación na que se atopan as escolas e por último levarán a cabo unha marcha polas rúas do centro do Concello. Correrán para salvar o cole, para salvar o rural rianxeiro e para transmitirlle á Consellería a intención de loitar polo futuro das nosas escolas.

Piden a todas as familias do centro que acudan a este acto cas súas crianzas, familiares, amigos e amigas, veciños e veciñas…